Fotograf Reiakvam » - Din fotograf i Førde sidan 1946.

Masthead header

Våre søte små

“Så stor ho er blitt!” er noko mange seier til meg for tida, og det er verkeleg sant. Alle veit at born veks fort, men det er ikkje før ein har sine eigne små at ein verkeleg legg merke til kor mykje som skjer på eit år. Tenk om vi alltid skulle lært så mykje på så kort tid!

Det er stor skilnad på ein på 6 månader og ein eittåring, men begge aldrane har definitivt sin sjarm. I Reiakvam Foto sin populære babyfotograferingspakke betalar de for ei eittårsfotografering (1095,-) og får med ei minifotografering når barnet er 6 månader på kjøpet. I halvtårsfotograferinga følgjer det med eit minialbum på 6 bilde som du sjølv vel ut på visningstimen i etterkant av fotograferinga. I eittårsfotograferinga er det også inkludert ein visningstime der de bestiller det de ønskjer dykk av album, forstørringar og rammer til rabattert pris.

“De får aldri denne tida igjen”, seier også folk ofte til meg for tida, og det er nok dessverre sant. Heldigvis har vi bilda som gode minne frå tida då jenta vår var baby. No ser vi på nyfødtbilda av ho og tenkjer: “var ho verkeleg så lita?” Tida går fort. Gå til fotografen medan dei framleis er små!

Beste helsing
Dagrun

 

Til toppen av sida
Del dette innlegget på FacebookDel dette innlegget på epostFå nye innlegg på epost

Bryllaup til sommaren?

Vi har nett bikka nyttår, men vi er allerede i ferd med å planlegge året vi så vidt er inne i. Det er nok mange andre som fekk det travelt med planlegginga. Mellom anna reknar vi med at dei av dykk som skal stå brud og brugdom i 2015 plutseleg innsåg at dagen vart ein god del nærare når det nye året er i gong. Vi treff mange hyggelege brudepar i løpet av eit år. Alt frå enkle seremoniar i Førde Tingrett med berre brudepar og forlovarar, til store bryllaupsfestar med over hundre gjestar. Brudepar er alltid like hyggeleg å fotografere, for stemninga er heilt spesiell uansett om ein har mange eller få gjestar eller om ein har stor eller liten brudekjole.

Sidan eg sjølv gifte meg for nokre år sidan ser eg verdien av den tida vi brukte på å ta bilde endå tydelegare. Ein har ofte eit tett program og følelsane er heilt i spenn. Det var godt å vite at jobben med å forevige oss som brudepar var i dei tryggaste hender (og det var sjølvsagt pappa som var vår bryllaupsfotograf!). Vi er to fotografar her på Reiakvam Foto, og vi rekk dermed opptil fleire brudepar på ein dag. Om det er eit spesielt tidspunkt på dagen de ønskjer å bli fotograferte (og det er det jo ofte), så rådar eg dykk til å vere tidleg ute med å ta kontakt. Døme på bryllaupsbilde vi har tatt finn de her på bloggen og i bildegalleria våre i menyen over. Prislista finn de også i menyen, og de kan lese meir om våre bryllaupsfotograferingar ved å klikke på denne linken.

Beste helsing

Dagrun

 

Til toppen av sida
Del dette innlegget på FacebookDel dette innlegget på epostFå nye innlegg på epost

Utvida opningstider

Det nærmar seg julaftan, og sjølv om vi har vore på jobb ut i dei seine timar lenge allerede, er det først no vi har utvida opningstider her hos oss. Sidan vi produserer alt av kort, bilde og kalendrar lokalt i butikken vår, kan de bestille heilt fram til julaftan og fleire bestiller til og med julekort i romjula! Velkommen innom oss i Hafstadvegen 15.

– Dagrun

Til toppen av sida
Del dette innlegget på FacebookDel dette innlegget på epostFå nye innlegg på epost

Julefotografering

Det er framleis november, men om du går og tenker på å gje vekk fotografbilde til jul er det på tide å gjere alvor av planane. Vi har ledige timar framover, men spesielt laurdagane har ein tendens til å bli fylt opp. Vi lagar alle bilda våre her hos oss, så vi kan i teorien levere heilt fram til julaftan…men ikkje dersom alle er like seint ute;)Ta kontakt snarast, så finn vi ein time til deg!

-Dagrun

 

Til toppen av sida
Del dette innlegget på FacebookDel dette innlegget på epostFå nye innlegg på epost

Klargjering til julerush

All erfaring tilseier at vi ikkje kjem til å få rydda stort i butikken i november og desember. Difor tok vi ei skikkeleg ommøblering og opprydding i butikken sist veke. Nokre varer fekk seg ny plassering og fleire nyheiter  er no å finne i hyllene våre. Vi har mellom anna fått på plass nokre lekre nyheiter frå Troll-rammer og frå Lundeby & co. Vi har sjølvsagt rammer i alle prisklassar, og har også fine ramme-nyheiter frå Focus.

Som fylkets einaste forhandlar av barnekle i bambus frå Tiljamid, har vi også fylt på med årets nyheiter i rosa og turkis. Tiljamid er designa av Therese frå Voss og dei nyaste klea har teksten “Eg er elska” på. Det må no slå an i nynorskbyen Førde? Eg fekk til og med tatt nokre bilde av den vesle modelljenta mi iført siste skrik frå Tiljamid. Ho har allerede god erfaring med å posere framfor kamera, og eg reknar ikkje med det vert siste gongen ho er i studio her hos meg..

Vi har forresten framleis ledige timar i studio før jul. Bestill time på 57 82 19 77, så er julegåvene i boks!

– Dagrun

Til toppen av sida
Del dette innlegget på FacebookDel dette innlegget på epostFå nye innlegg på epost
K o n t a k t i n f o