Fotograf Reiakvam » - Din fotograf i Førde sidan 1946.

Masthead header

Vi har vel kanskje ikkje hatt ein draumesommar, så då er det ekstra hyggeleg når ein av dei få fantastiske sommardagane i år var akkurat den dagen Hege og Florin gifte seg i Hopland kyrkje. Eg har aldri vore på Hopland før, men bruda lova at det var den vakraste staden på jord. Det viste seg at ho ikkje overdreiv, og rammene rundt dagen deira var dermed perfekte. Eg var med og fotograferte også i kyrkja, og det var ei vakker vigsle med både latter og tårer.

Brudeparet hadde ønskje om å ta bilde ved den mektige Tvinnefossen, og eg var sjølvsagt med på planane. Med far til bruda som sjåfør i ein firhjulstrekkar kom vi oss opp til fossen og fekk tatt nokre spektakulære bilde. Eg må innrømme at eg hadde hjarte i halsen på eit tidspunkt der brudeparet stod på ein enorm stein med fritt fall frå alle sider ned i fossen. Gisp! Det er verkeleg ikkje alle som har slike brudebilde, og eg håpar og trur det var verdt tida og styret! Siste ønskje var fotografering ved noko bruda omtala som “rosene til pappa”. Det eg såg føre meg at var ei rosebusk, var ei nydeleg og enorm klatrerose. Nok ein gong viste det seg at alt er ekstra vakkert på Hopland; vigsla, fossen, rosene og ikkje minst brudeparet. Gratulerer med overstått bryllaupsdag og takk for at de valde meg som fotograf. Det var verkeleg ei oppleving utanom det vanlege.

-Dagrun

Fotograf Reiakvam brudepar 00008b logo

 

Til toppen av sida
Del dette innlegget på FacebookDel dette innlegget på epostFå nye innlegg på epost

I tillegg til julerushet er mai-juni den travlaste tida på året for oss fotografar. I år er konfirmantkullet i Førde kyrkje rekordstort med heile 50 konfirmantar meir enn året før. Det resulterer i fleire konfirmasjonsdagar, og totalt fotograferer vi 15 konfirmantgrupper i Førde, Naustdal og Gaular kommune i løpet av ein dryg månad. Nokre dagar må både Olav og eg ut på oppdrag, og både søndagar og Kristi himmmelfartsdag er vi på jobb. Mai er med andre ord ingen kvilemånad for oss slik det er for mange andre (men 17. mai har vi fri sjølv om det er søndag! )

Det er dessutan fullt køyr i studio også, og i tillegg til babyar og barn får vi besøk av mange flotte ungdommar om dagane. Mange er flinke til å ta med barna til fotograf så lenge dei er babyar, og etter eittårsbilda er konfirmasjon ofte neste høve der ein får tatt nokre skikkelege portrett av dei små som ikkje lenger er så små. Det er klart at det er fint med bunad og dress, men vi ser ofte at vi får dei mest naturlege bilda når ungdommane går i kvardagskle. Så kvifor ikkje gjere begge delar når de først er i gong? Eller kva med å ta med noko konfirmanten likar å gjere på fritida? Tuba? Sykkel? Fotball? Ta konfirmanten med på råd, så kjem idéane ofte av seg sjølv!

Og sidan vi veit at dei set pris på slikt, slenger vi med 3 valfrie facebook-bilde for dei konfirmantane som blir fotograferte i mai/juni 2015. Kjekt!

– Dagrun

 

Til toppen av sida
Del dette innlegget på FacebookDel dette innlegget på epostFå nye innlegg på epost

“Så stor ho er blitt!” er noko mange seier til meg for tida, og det er verkeleg sant. Alle veit at born veks fort, men det er ikkje før ein har sine eigne små at ein verkeleg legg merke til kor mykje som skjer på eit år. Tenk om vi alltid skulle lært så mykje på så kort tid!

Det er stor skilnad på ein på 6 månader og ein eittåring, men begge aldrane har definitivt sin sjarm. I Reiakvam Foto sin populære babyfotograferingspakke betalar de for ei eittårsfotografering (1095,-) og får med ei minifotografering når barnet er 6 månader på kjøpet. I halvtårsfotograferinga følgjer det med eit minialbum på 6 bilde som du sjølv vel ut på visningstimen i etterkant av fotograferinga. I eittårsfotograferinga er det også inkludert ein visningstime der de bestiller det de ønskjer dykk av album, forstørringar og rammer til rabattert pris.

“De får aldri denne tida igjen”, seier også folk ofte til meg for tida, og det er nok dessverre sant. Heldigvis har vi bilda som gode minne frå tida då jenta vår var baby. No ser vi på nyfødtbilda av ho og tenkjer: “var ho verkeleg så lita?” Tida går fort. Gå til fotografen medan dei framleis er små!

Beste helsing
Dagrun

 

Til toppen av sida
Del dette innlegget på FacebookDel dette innlegget på epostFå nye innlegg på epost
K o n t a k t i n f o